धादिङको वेनीघाट रोराङ गाउँपालिका वडा नम्बर ३ मलेखु बजारमा भएको रक्तदानमा १ सय १५ जनाले रक्तदान गरेका छन् ।
जनकल्याण बचत तथा ऋण सहकारी संस्थाको २८ औँ वार्षिक उत्सवको अवसरमा रक्तदान भएको हो । संस्थाको आयोजना तथा नेपाल रेडक्रस सोसाईटी जिल्ला शाखा धादिङको प्राविधिक सहयोगमा रक्तदान भएको हो ।
२८ जना महिला ८७ जना पुरुष गरी ११५ जनाले रक्तदान गरेको नेपाल रेडक्रस सोसाईटी जिल्ला शाखा धादिङका सभापति दुर्लभ कुमार तामाङले जानकारी दिनुभयो ।
