धादिङको गंगाजमुना गाउँपालिका–४ गुम्दीमा जीप दुर्घटना हुदा एक जना बालकको घटनास्थलमै ज्यान गएको छ ।
धादिङबेसीबाट रिगाउँको तावल जाँदै गरेको मे १ ज २६६९ नंम्बरको जिप आफै अनियन्त्रित भई दुर्घटनामा परेको हो ।
बिदा मनाउन गाउँ आएका गंगाजमुना गाउँपालिका–२ का करिव १४ वर्षीय अनुरोध तामाङको मृत्यु भएको गंगाजमुना गाउँ पालिकाका प्रमुख प्रशासकीय अधिकृत अनिल श्रेष्ठले जानकारी दिनुभयो ।
३५ वर्षीय आकाश तामाङ, २२ वर्षीय साजन तामाङ, ३५ वर्षीय अनुप तामाङसहित दुई बालकहरु एडेल तामाङ र फिडिक तामाङ घाइते भएका छन् । घाइतेहरुको गुम्दी स्वास्थ्य चैकीमा उपचार भइरहेको जिल्ला प्रहरी कार्यालय धादिङका प्रहरी उपरीक्षक गौतम मिश्रले बताउनुभयो । ।
ईलाका प्रहरी कार्यालय फुलखर्कका प्रहरी टोली र स्थानीयले घटनास्थलमा पुगि उद्धार गरेका थिए ।
