धादिङको सिद्धलेक गाउँपालिका वडा नम्बर १ अमलटारमा कर्जा तथा बचत ब्यवस्थापन सम्बन्धी अन्तरक्रिया कार्यक्रम सम्पन्न भएको छ । एनएमबी लघुबित्त बित्तीय संस्था लि.,शाखा कार्यालय नलाङ धादिङले अन्तरक्रिया कार्यक्रमको आयोजना गरेको हो ।
वित्तिय साक्षरता कार्यक्रम अन्र्तरगत सञ्चालन भएको ग्राहक संरक्षण कर्जा तथा बचत ब्यबस्थापनमा निहित जोखिम सम्बन्धि अन्तरक्रिया कार्यक्रमको आयोजना गरिएको हो । सम्पती तथा बचतमा हुने जोखीमलाई न्यूनिकरण गर्ने उद्देश्यले सञ्चालन गरेको कार्यक्रममा कर्जाको व्यवस्थापन, बचतको व्यवस्थापन, बचत व्यवस्थापन गर्दा हुने फाईदाहरु, डिजिटल बैंकिङ, भुक्तानी, संस्थाको एमपासबुक, एसएमएस सेवा, यसको प्रयोग र यसका फाईदा लगायतका विषयमा एनएमबी लघुबित्त बित्तीय संस्था लि., शाखा कार्यालय नलाङ धादिङ शाखाका शाखा प्रमुख अर्जुन ढुङ्गानाले सहजीकरण गर्नुभएको थियो ।
लघुवित्तले यस अघि जिल्लाको सिद्धलेक, नीलकण्ठ नरपालिकाको विभिन्न वडामा अन्तरक्रिया कार्यक्रम सम्पन्न गरिसकेको छ । १ हजार भन्दा बढि घरधुरीले सेवा लिँदै आएको यस लघुवित्तले जिल्लाको ज्वालामुखी, सिद्धलेक र नीलकण्ठ नगरपालिकालाई कार्य क्षेत्र बनाएर कार्य गर्दै आएको छ ।
पोखरा महानगरपालिका वडा नं.८ न्यूरोड कास्कीमा केन्द्रीय कार्यालय रहेको यस लघुवित्तले ७ वटै प्रदेशमा ७ वटा प्रादेशिक कार्यालय स्थापनागरि ६८ जिल्लामा १४८ वटा शाखा विस्तार गरी करिब एक लाख विस हजार विपन्न घरपरिवारलाई लघुवित्तले सेवा प्रदान गदै आएको छ ।
