३१ साउन, धादिङ ।
नेपाली काँग्रेसको १४ औं राष्ट्रिय महाधिवेशनको मिति पुन परिवर्तन भएको छ । नेपाली कांग्रेसको शनिबार बसेको केन्द्रीय समिति बैठकले महाधिवेशन आगामी संसिर ९ देखि १३ सम्म काठमाडौंमा गर्ने निर्णय गरेको हो । काँग्रेसले वडा तहको अधिवेशन १८ भदौबाट सुरु गरि मंसिर १३ गते राष्ट्रिय महाधिवेशन सम्पन्न गर्ने गरि कार्यतालिका सार्वजनिक गरेको छ । पूर्व निर्धारीत वडा, गाउँ / नगर, प्रदेश / प्रतिनिधिसभा र जिल्ला तहको अधिवेशनको मिति कटीसकेको छ । भदौमा तय भएको महाधिवेशन हुन नसक्ने भएपछि नयाँ मिति तोकेको हो । काँग्रेसको वडा तह देखि महाधिवेशनसम्म करिब ३ महिनामा महाधिवेशन सक्ने गरी कार्यतालिका बनाइएको छ ।
नेपाली कांग्रेसको आफ्नै पार्टीभित्रको आन्तरिक द्धन्दका साथै क्रियाशील सदस्यताको विवाद समाधान गर्न नसक्दा पुन सबै तहको अधिवेशन सरेको हो । शनिबार सम्पन्न केन्द्रिय समितिको बैठकले कृष्ण प्रसाद सिटौला, डा.मिनेन्द्र रिजाल र रमेश लेखकलाइ भाद्र ३ गतेसम्म क्रियाशिल सदस्यता सम्बन्धि समस्या समाधान गर्ने जिम्मेवारी दिएको छ ।
अधिवेशन तयारीको समयमा सरकार परिवर्तन, पार्टीको भावि नेतृत्वका विषयमा समहमति हुन नसक्दा पनि अधिवेशन प्रभावित भएको हो । अझै पनि नेपाली कांग्रेसमा संस्थापन पक्ष महाधिवेशन आफ्नो अनुकुलमा गर्ने सोचमा छ, भने संस्थापन ईतरका समूह भने छिटो भन्दा छिटो र तोकिएकै समयमा महाधिवेशन सम्पन्न गरि वर्तमान सभापती शेर बहादुर देउवालाइ रोक्ने दाउमा रहेका छन् । नेपाली कांग्रेसले संवैधानिक व्यवस्था अनुसार भदौको अन्तिम सातासम्म अधिवेशन गर्नुपर्नेछ ।
