उत्तरी धादिङको रुविभ्याली गाउँपालिका–१ तिप्लिङको लिङ्जोमा सडक खन्ने क्रममा पहिरोले डोजरसहित पुरिएका दुई जनाको शव फेला परेको छ ।
३ महिना पछि वेपत्ता २ जनाको शव आज फेला परेको जिल्ला प्रहरी कार्यालय धादिङका प्रहरी नायव उपरिक्षक जागेश्वर भण्डारीले जानकारी दिनुभयो ।
सडक खन्दै गर्दा माथीबाट चट्टान खसेर डोजरसहित पुरिएका डोजर चालक काभ्रेका आकास तामाङ र रुविभ्याली–१ लिङ्जोका स्थानीय धन भनिने अनिष तामाङको कंकाल मात्रै भेटिएको उहाँले बताउनुभयो ।
- रुबिभ्याली १ तिप्लिङमा पहिरोले पुरिदा डोजर सहित ३ जना बेपत्ता
- उत्तरी धादिङ पहिरो अपडेट : बेपत्ताहरुको भोली मात्रै खोजीने
- उत्तरी धादिङ पहिरो अपडेट :पहिरोमा परि मृत्यु भएका एक जनाको शव धादिङवेशीं ल्याईयो
उनीहरुले लगाएको कपडाको आधारमा शव पहिचान भएको हो । गत पुष २९ गतेको एउटै पहिरोमा पुरिएका सहचालक राजु तामाङको २ दिनपछि नै शव भेटिए पनि डोजर चालक आकास तामाङ र स्थानीय अनिष तामाङ बेपत्ता नै थिए ।
पहिरोबाट डोजरको पाटपुर्जा निकाल्ने क्रममा दुबै शवको कंकाल मात्रै भेटिएको हो । आफन्तहरुले भने पहिरोमै पुरिएर मृत्यु भइसकेको एकिन गर्दै काजकिरिया गरिसकेका छन् ।
