डिसिएल टि–२० : खनियावास र धुनिवेशीको जित (फोटो फिचर)

धादिङको बेनिघाट रोराङ गाउँपालिकाको विशालटामार आजदेखी सुरु भएको अन्तरपालिका स्तरीय टि–२० क्रिकेट प्रतियोगितामा दुई खेल भएका छन् । धुनिवेशी नगरपालिका र त्रिपुरासुन्दरी गाउँपालिका विच र गजुरी गाउँपालिका र खनियावास गाउँपालिका विचको खेल सम्पन्न भएको हो ।

आज भएको खेलमा धुनविशी नगरपालिकाले त्रिपुरासुन्दरी गाउँपालिकालाई ४ रनले पराजित गरेको छ । टस जितेर धुनीबेसी नगरपालिकाले ब्याटिङ गर्ने निर्णय गरेको थियो । धुनीबेसी नगरपालिकाले निर्धारित २० ओभरमा ९ विकेट गुमाउदै १२४ रन जोडेको थियो धुनीबेसीका ओपनर कौशल रुपाखेतीले १५ बलमा दुइ चौका र दुइ छक्काको मद्धतमा २५ रन बनाउनुभएको थियो । साथै कप्तान सुदिप पाठकले २८ बलमा ३९ रन बनाउनुभयो ।

आक्रामक ब्याटिङ गर्नुभएका कप्तान पाठकले एक चौका र चार छक्का प्रहार गर्नुभएको थियो । सुनिल बानियाले २१ तथा प्रनित भट्टले १७ रन जोड्नुभएको थियो । निकै रोमाञ्चक भएको खेलमा त्रिपुरासुन्दरी गाउँपालिकाका राम रानाले ४ ओभरमा २५ रन खर्चिएर ३ विकेट लिनुभयो । यस्तै श्री कृष्ण उपाध्यायले ४ ओभरमा १ मेडन राख्दै १५ रन खर्चिएर ३ विकेट लिनुभयो भने उदय थापाले २ विकेट लिनुभयो । खेलको म्यान अफ द म्याच अल राउण्डर प्रदर्शन गर्नुभएका कौशल रुपाखेती घोषित हुनुभयो ।

• धादिङको विशालटारमा पालिका स्तरीय टि–२० क्रिकेट लिग सुरु

यस्तै आजै भएको पहिलो खेलमा खनियावास गाउँपालिका ६ विकेटले विजयी भएको छ । टस हारेर ब्याटिङको निम्तो पाएको गजुरी गाउँपालिकाले निर्धारित २० ओभरमा ९ विकेट गुमाउदै एक सय ११ रनमात्र जोडेको थियो । गजुरीलाई सस्तैमा रोक्न खनियावास गाउँपालिकाको लागि बलर सरोज लंसालले उत्कृष्ट बलिङ गर्दै ४ ओभरमा १ मेडन राखेर ४ विकेट लिनुभएको थियो । गजुरी गाउँपालिकालाइ थोरै रनमा रोक्नको लागि खनियावासका सुदन तामाङले गजुरीका ३ विकेट लिनुभएको थियो । १ सय १२ रनको विजयी लक्ष्य लिएर मैदानमा उत्रिएको खनियावास गाउँपालिकाले अमित गुरुङको प्रेरणादायी ४४ रनको योगदानमा ६ विकेटको जित दर्ता गरेको छ ।

टीमको जीतका लागि अमितले २६ बल खेल्दै ४ चौका र ३ छक्काको मदतमा ४१ रनको योगदान दिनुभएको थियो । गजुरी गाउँपालिकाका बलर सानु घलले ३ विकेट लिएपनि पालिकाको हार टार्न सकेन्न । गजुरीका ४ खेलाडीलाइ आउट गरेका खनियावासका बलर सरोज लंसाल खेलको म्यान अफ द म्याच हुनुभएको छ ।

उहाँले नगद २ हजार र ट्रफी हात पार्नुभएको छ । पहिलो खेल जितेसंगै खनियावास गाउँपालिकाले आफ्नो समुहमा २ अंक जोड्न सफल भएको छ । आजदेखी सुरु भएको क्रिकेट प्रतियोगीताको वागमती प्रदेशका मुख्यमन्त्री राजेन्द्र प्रसाद पाण्डेले उद्घाटन गर्नुभएको थियो । भोली ३ खेल हुँदैछ ।

  )