५ साउन,२०७८
तमू समाज ईजरायलको अध्यक्षमा खुशी घले गुरुङ निर्विरोध चयन भएको छ । यहि साउन १ गते अर्थात जुलाई १६ तारिक ईजरायलको तेलअभिव स्थित लुमि पार्क रमतगानमा सम्पन्न समाजको नवौं अधिवेशनबाट घले अध्यक्षमा चयन भएकी हुन् ।

“प्ये म्हस्याँ छ्या म्हमु, छ्या म्हस्याँं ल्हु म्हमु, ल्हु म्हस्याँ म्हि म्हमु” अर्थात शास्त्र हराए संस्कार हराउँछ, संस्कार हराए संस्कृति हराउँछ, संस्कृति हराए मानव अस्तित्व नै हराउँछ” भन्ने मूल नाराका साथ तमू (गुरुङ) समुदायको मौलिक भाषा, धर्म, संस्कार, संस्कृतिक र पहिचानलाई संरक्षण र प्रवद्र्धन गर्दै सबै तमूहरुलाइ संगठित गरी एकतावद्ध बनाउने उदेश्यका साथ प्रवासी भूमि ईजरायलमा सन् २००६ मा तमू समाज ईजरायलको स्थापना भएको थियो ।

साथै विश्वका विभिन्न देशहरुमा विभिन्न पेशा, व्यवसायमा आवद्ध तमूहरु विभिन्न संघ संस्थामा संगठित भएर सामाजिक कार्यहरु गरिरहेका छन् ।

तमू सामाज ईजारायलले आफ्नो स्थापनाकाल देखि प्रवासी भूमी ईजरायलमा रहेका सबै तमूहरुलाइ संगठित गर्ने, तमू ल्होच्छार लगायत विभिन्न धार्मिक तथा सांस्कृतिक कार्यक्रम आयोजना गर्ने, विभिन्न समस्यामा परेका नेपालीहरुको लागि सामाजिक तथा आर्थिक सहयोग गर्ने, साथै आफ्नो मातृभूमी नेपालमा विभिन्न समयमा आएको विपत्त र महामारीको समयमा पनि विभिन्न किसिमका सामाजिक तथा आर्थिक सहयोगहरु गर्दै आएको छ ।

नव निर्वाचित अध्यक्ष घलेले यस सामाजिक संस्थालाइ अझै सक्रिय क्रियाशिल र यसको गरिमा उच्च बनाउन आफू सधै दृढ रहेने र यस कार्यको लागि सबैको साथ र सहयोग महत्वपूर्ण रहने बताउनुभयो ।

क्षेत्रफलको हिसाबले नेपाल भन्दा झण्डै ६ गुणा सानो देश ईजरायलले करिब ७ दशकमा विकसित र प्रविधिले सुविधा सम्पन्न राष्ट्रको नाममा विश्वमा चिनाएको छ । राम्रो आम्दानी हुने हुँदा नेपालीहरुको लागि राम्रो रोजगारीको गन्तव्य मुलुक ईजरायल बनेको छ ।

तमू समाज इजरायलका निवर्तमान अध्यक्ष ओम गुरुङको अध्यक्षता र नेपाल आदिवासी जनजाती महासंघ इजरायलका अध्यक्ष मिङमार शेर्पाको प्रमुख आतिथ्यमा सम्पन्न अधिवेशनले खुशी घले गुरुङको अध्यक्षतामा २१ सदस्यीय समिति चयन गरेको थियो ।

समाजको प्रथम उपाध्यक्षमा नर माया गुरुङ , द्धितीय उपाध्यक्षमा बिन्दु गुरुङ, तृतिय उपाध्यक्षमा दुर्गा गुरुङ चयन भएको छ । त्यसैगरि महासचिवमा शान्ति गुरुङ, सचिवमा रेखा गुरुङ, सह–सचिवमा सुचित्रा गुरुङ, कोषाध्यक्षमा गायत्री गुरुङ, सह कोषाध्यक्षमा सोनी गुरुङ र महिला विभाग प्रमुखमा पशुपति गुरुङ चयन भएको छ, भने सदस्यहरुमा लिला गुरुङ, मनु गुरुङ, बिना गुरुङ, उषा गुरुङ, खुशी गुरुङ, मनश्री गुरुङ, धना गुरुङ, प्रण्य गुरुङ, बिरेन गुरुङ, अञ्जली गुरुङ र तेज माया घले गुरुङ चयन भएका छ्न ।

अधिवेशनबाट संरक्षक समिति पनि चयन गरेको छ । समितिमा डिक कुमार गुरुङ, डम्बर गुरुङ, निर्मला गुरुङ ,आशमाया गुरुङ चयन गरेको छ । साथै सल्लाहकार समितिको प्रमुखमा ओम गुरुङ र सदस्यहरुमा हरिमाया गुरुङ, रीता घले गुरुङ र मिठु गुरुङ चयन गरेको छ ।

Facebook Comments