१९ चैत्र, २०७८
धादिङ – राष्ट्रिय युवा संघ नेपालका केन्द्रिय अध्यक्ष किरण पौडेलले आगामी स्थानीय तहको चुनावमा नेकपा एमालेका उम्मेद्धारलाइ विजयी गराउन एक बुथ, सय युथ सहित स्थानीय चुनवमा लाग्न युवा संघ धादिङलाइ निर्देशन दिनुभएको छ । पार्टीको उम्मेद्धावरलाइ जिताउने दायित्व युवा संघको रहेको भन्दै उहाँले यस्तो निर्देशन दिनुभएको हो ।
राष्ट्रिय युवा संघ नेपाल धादिङको आठौं जिल्ला अधिवेशनको प्रमुख अतिथीको रुपमा आउनुभएका अध्यक्ष पौडेलले आफ्नो सम्बोधनको क्रममा यस्तो बताउनुभएको हो । पार्टी र नेतृत्वको लागि युवा संघले विगत लामो समयदेखि अग्रपंतिमा रहेर पहरेदारी गर्दै आजको अवस्था सम्म आएको हुँदा आगामी दिनमा अझ सशक्क्त भएर लाग्न सबै युवाहरुलाइ निर्देशन दिनुभयो ।
एक बुथ, सय युथको योजना बनाएर आसन्न स्थानीय चुनावको तयारीमा लाग्न पनि निर्देशन गर्नुभएको छ । नेता पौडेलले आगामी स्थानीय चुनाव पछि, स्वार्थीहरुको बिचमा बनेको पाँचदलिय गठबन्धनलाइ हराएर एकल बहुमत सहित नेकपा एमालेले स्थानीय सरकार संचालन गर्ने बताउनुभयो ।
पाँचदलिय गठबन्धन बनाएर जाँने निर्णय गरेका गठबन्धन दलका नेताहरु अझै पनि नेकपा एमालेको संगठन, शक्ति र जनलहर देखेर तिलमिलाउन थालेको पनि बताउनुभयो । आसन्न स्थानीय चुनावमा नेपाली कांग्रेसका मतदाताले माओवादी लगायतका अन्य दलका उम्मेद्धारलाइ भोट नहाल्ने र नेकपा एमालेका उम्मेद्धारलाइ भोट दिएर जिताउने पनि बताउनुभयो ।
सम्बोधनका क्रममा राष्ट्रिय युवा संघ नेपाल धादिङको आठौं जिल्ला अधिवेशनबाट सर्वसम्मत रुपमा एक सशक्त र जुझारु नेतृत्व सहितको जिल्ला समिति निर्माण गर्न पनि निर्देशन दिनुभएको छ ।
कार्यक्रमका विशेष अतिथी एवं नेकपा एमालेका अध्यक्ष भूमी त्रिपाठीले आसन्न स्थानीय तहको चुनावको तयारीका साथै पार्टीको उम्मेद्धारलाइ जिताउने गरी आ–आफ्नो स्थानमा मिहिन ढंगले लाग्न सम्पूर्ण युवाहरुलाइ अनुरोध गर्नुभएको छ । पाँचदलिय गठबन्धनलाइ हराउन सकिन्छ तपाइहरु उच्च मनोबलका साथ लाग्न, भन्दै पाँच दलिय स्वार्थी समूह नेकपा एमाले प्रति देशै भरिका नेपाली जनताहरुको जनलहर देखेर निद हराम भएको पनि बताउनुभयो ।
